ദ ട്രക്കിംഗ്
നോക്കി നിൽക്കെ ചില്ലകളിട്ട്
മരമാകുന്നു നീ.
മേലേക്കൊമ്പിൽ നിന്ന്
ആകാശം കാണുന്നു ഞാൻ.
എന്റെയാകാശമേ, പൂമരമേ
നീലമലകളേ,
എനിക്കിറങ്ങാനായി നീയിത്രയും
വഴികളൊരുക്കുമ്പോൾ
ലോകം അനങ്ങാതിരിക്കുന്നുവല്ലോ.
മലയിടുക്കുകൾ മധുരക്കനികളും
പൂപ്പാത്രവുമായി
കാത്തിരിക്കുകയാണ്.
ഇറങ്ങും തോറുമേറുന്ന
നിന്റെയാഴങ്ങളിലേക്ക്
മരണത്തിലേക്കെന്നപോലെ
ഞാനിറങ്ങുകയാണ് .
ഓരോ ചുവടും
ആവേശങ്ങളുടെ
വഴുക്കുചാലുകൾ തേടുന്നു.
ഒഴുക്കിനിടയിൽ മിന്നിമാഞ്ഞ
താഴ്വരകൾ
നഷ്ടങ്ങളുടെ കണക്കുപുസ്തകത്തിൽ
അടയാളപ്പെടുത്തി
നീർച്ചാട്ടങ്ങളിൽ തലതല്ലി
ഒരുവട്ടംകൂടിയെന്നാർത്ത്
ഒടുങ്ങിപ്പലവട്ടമൊഴുകി
പരാജിതനായ ചൂതാട്ടക്കാരന്റെ
വാശിയോടെ
യാത്ര തുടരുകയാണ്.
നോക്കി നിൽക്കെ ചില്ലകളിട്ട്
മരമാകുന്നു നീ.
മേലേക്കൊമ്പിൽ നിന്ന്
ആകാശം കാണുന്നു ഞാൻ.
എന്റെയാകാശമേ, പൂമരമേ
നീലമലകളേ,
എനിക്കിറങ്ങാനായി നീയിത്രയും
വഴികളൊരുക്കുമ്പോൾ
ലോകം അനങ്ങാതിരിക്കുന്നുവല്ലോ.
മലയിടുക്കുകൾ മധുരക്കനികളും
പൂപ്പാത്രവുമായി
കാത്തിരിക്കുകയാണ്.
ഇറങ്ങും തോറുമേറുന്ന
നിന്റെയാഴങ്ങളിലേക്ക്
മരണത്തിലേക്കെന്നപോലെ
ഞാനിറങ്ങുകയാണ് .
ഓരോ ചുവടും
ആവേശങ്ങളുടെ
വഴുക്കുചാലുകൾ തേടുന്നു.
ഒഴുക്കിനിടയിൽ മിന്നിമാഞ്ഞ
താഴ്വരകൾ
നഷ്ടങ്ങളുടെ കണക്കുപുസ്തകത്തിൽ
അടയാളപ്പെടുത്തി
നീർച്ചാട്ടങ്ങളിൽ തലതല്ലി
ഒരുവട്ടംകൂടിയെന്നാർത്ത്
ഒടുങ്ങിപ്പലവട്ടമൊഴുകി
പരാജിതനായ ചൂതാട്ടക്കാരന്റെ
വാശിയോടെ
യാത്ര തുടരുകയാണ്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ