.jpg)
പരിപൂര്ണ വിവരണം
46 കെട്ടിടങ്ങള് മൊത്തം
30 വീടുകള്
പത്ത് കടകള്
ഒരു ആശുപത്രി
രണ്ട് മദ്യക്കട
മൂന്ന് അമ്പലങ്ങള്
മൊത്തം ജനസംഖ്യ 600
അറുപതിലധികം കഴുതകള്
പൊടി
പൊടിഞ്ഞ വഴികള്
കുമ്മായം പൂശിയ ഭിത്തികള്
ഓലമേഞ്ഞ വീടുകളിലാളുകള്
ഓടിട്ട വീടുകളില് ദൈവങ്ങള്
ആസ്ബറ്റോസ് കെട്ടിടങ്ങളില് കഴുതകള്
ഇടയിലൊറ്റയ്ക്കൊരു മരം
മരത്തിലസഖ്യം കിളികള്
കിളികള്ക്കിടയില് രാത്രി
ഉറക്കത്തില് സ്വപ്നങ്ങള്
ഒരേ ഉറക്കം ; ഒരേ ഉണര്ച്ച
ഒരേ രോഗങ്ങള്
ആരും മറുപടി പറയാനില്ലാത്ത അലര്ച്ചകള്
തെരുവുനായ്ക്കള്
കൊയ്തുകഴിഞ്ഞ നമുക്കുമീതേ
പറന്നിറങ്ങുന്ന പകലുകള്
നമ്മളറുന്നൂറുപേര്
നമ്മുടെ ദൈവം, ലിംഗം
നമ്മുടെ തെരുവില്
കണക്കില്ലാതെ ആമകള്
ആമയുടെ തെരുവിലും
നമ്മളറുന്നൂറുപേര്
അറുപതാം വയസ്സില്
നമ്മളില് നിന്നില്ലാതാവുന്നു
നമ്മുടെ ദൈവം
അറുന്നൂറാം വയസ്സില്
ആമയില് നിന്നും പോകുന്നു
നമ്മുടെ ദൈവം
ഒരിക്കലും പോകാതെ
നമ്മളിലെപ്പോഴും
ആമയുടെ ദൈവം, ശവം
2 അഭിപ്രായങ്ങൾ:
JALEEL KUTTIADI പറഞ്ഞു...-
-
പി. ശിവപ്രസാദ് / മൈനാഗന്
പറഞ്ഞു...
-
-
കൊയ്തുകഴിഞ്ഞ നമുക്കുമീതേ
പറന്നിറങ്ങുന്ന പകലുകള്
അസ്സല് പുരാവസ്തു പോലെ ഈ തെരുവ്. ജീവിതം പോലെ.
ഒരു അഭിപ്രായം പോസ്റ്റ് ചെയ്യൂ